(Kavitech gav)
कवितेचं गाव
In a world where kids spend most of their time on screens, we aim to bring back the joy of poems, drawing, and creativity.
We revive old, beautiful, and lesser-known poems by turning them into simple, engaging animations for children.
This makes screen time meaningful and fun!
Kids can paint their own interpretation of each poem and share their artwork with us as a photo or by post.
This initiative creates a joyful space for children and parents to bond, recite, and act out poems together.
Our animated rhymes are also shared with Anganwadis and playgroups, making early learning playful and interactive.
Have a favorite poem in your language? Send it to us — we’d love to bring it to life! ✨
1. रंगबिरंगी तितली
रंगबिरंगी तितली,
अपने घर से निकली (२)
फुल फुल पर मंडराती
सबके मनको बेहलाती (२)
हम जाते जब पास में
उड जाती आकाश में (२)
रंगबिरंगी तितली,
अपने घर से निकली (२)
2. थेंबा थेंबा
थेंबा थेंबा थांब थांब
दोरी तुझी लांब लांब
आकाशात पोहोचली
तिथे कशी खोचली ?
सर सर सर सर धावतो
सरी वर सरी गुंफतो
सरी तुझ्या मोत्यांच्या
रुप्याच्या की सोन्याच्या ?
सरी तुझ्या ओल्या
गंगेत जाऊन न्हाल्या
थेंबा थेंबा थांब थांब
दोरी तुझी लांब लांब
3. गडगड होता ढगात बाई
गडगड होता ढगात बाई
फोटो माझा काढी कोण ?
डराव डराव तो बेडूक दादा
कुणा बोलवी लावून फोन
एके दिवशी आजोबांसंगे
बिया पेरल्या मातीमध्ये
पाऊस येता रोपही आले
इवली पाने आली दोन
गडगड होता ढगात बाई
फोटो माझा काढी कोण ?
डराव डराव तो बेडूक दादा
कुणा बोलवी लावून फोन (३)
4. खारुताई छोटीशी
खारुताई छोटीशी
आहे का माहित ?
राही कोठे सांगू का ?
झाडाच्या ढोलीत !
पांघरते अंगावर
शाल काळ्या पट्ट्यांची
फिरे कशी सांगू का ?
छत्री घेऊन शेपटीची
5. चिऊताईच्या पिला
चिऊताईच्या पिला
खरं सांग मला,
आभाळाचे रस्ते कसे
सापडतात तुला?
आभाळातल्या रस्त्यांवर
पांढऱ्या खुणा असतात का?
लाल हिरवे पिवळे दिवे,
पोलिसमामा असतात का?
चुकून वाट चुकलास तर,
गेटावरती नेतात का?
नाव गाव पत्ता विचारून,
गोळ्या बिस्कीट देतात का?
चिऊताईच्या पिला
खरं सांग मला,
आभाळाचे रस्ते कसे
सापडतात तुला?
6. रमत गंमत कोळी
रमत गंमत कोळी
भिंतीवर चढे
भिजत पावसाने
खाली तो पडे
सुकत जमीन सारी
ऊन ते पडे
रमत गंमत कोळी
परत वर चढे
7. जंगलातल्या प्राण्यांनी
जंगलातल्या प्राण्यांनी जेवण केलं,
कुणी काय केलं? कुणी काय केलं?
तिकडून आला ससा (२)
तो म्हणाला, तो म्हणाला...
ताट वाटी पुसा आणि मांडी घालून बसा
तिकडून आलं हरण (२)
ते म्हणालं, ते म्हणालं...
मी करतो वरण (२)
तिकडून आलं माकड (२)
ते म्हणालं, ते म्हणालं...
मी भाजतो पापड (२)
तिकडून आली चिमणी (२)
ती म्हणाली, ती म्हणाली...
मी वाटते चटणी (२)
तिकडून आला कावळा (२)
तो म्हणाल, तो म्हणाला...
मी वाढतो ढोकळा...
जंगलातल्या प्राण्यांनी जेवण केलं,
सर्वांनी ते पोट भरून खाल्लं! (२)
8. तडतड तडतड वाजे ताशा
तडतड तडतड
वाजे ताशा
डमरू वाजे
डूम डूम डूम
तिर किट धिर किट
तबला बोले
ढोलक बोले
ढुम् ढुम् ढुम्
टीम टीम टीम टीम
करते टिमकी
करी नगारा
धुडूम धुडूम
नाचे पायी
पैंजण ताई
वाजते छन्नक
छम् छम् छम् (३)
9. इवली इवली चांदणी
इवली इवली चांदणी खिडकीतून दिसते
गोऱ्या गोऱ्या अंगाची दुधासारख्या रंगाची
आहे माझी जिवलग मैत्रीण माझ्याशी हसते !
इवली इवली चांदणी खिडकीतून दिसते
आभाळाचे निळे निळे ढग
मऊ ढगांचा बगीचा सुंदर
मुळीच नसतो अभ्यास हिला
शाळाही नसते
इवली इवली चांदणी खिडकीतून दिसते
मला मजेची गोष्ट सांगते
गोड गोड ही गाणे म्हणते
दमून जर मी झोपी गेले
माझ्यावर रुसते
इवली इवली चांदणी खिडकीतून दिसते
10. अपलम् चपलम्
अपलम् चपलम् चम् चम् चम्
गुलाबाचे अत्तर
घम् घम् घम्
इवलेसे फूल
डुलु डुलु डुलु
इवलासा थेंब
टुळु टुळु टुळु
इवलीशी कुपी
छान छान छान
बाळ गेलं झोपी बोलू नका शुक् ss
11. चटणी
कैरी, मिरची, कोथिंबीर, आलं
या चौघांचं भांडण झालं
कशावरून? कशावरून?
एवढ्याश्या खोबऱ्याच्या तुकड्यावरून
काकूबाई आल्या पदर खोचून
एकेकाला काढलं ठेचून ठेचून
पाट्यावर केली वाटणी
त्याची झाली सुरेख चटणी
चटणी ठेवली बशीत,
मुले जेवली खुशित
12. खाऊन टाका मटामटा
तांदूळ घ्या हो पसा पसा
धुवून टाका खसा खसा
भात शिजेल रटा रटा
खाऊन टाका मटामटा
पीठ चाळा सरासरा
कणिक भिजवा भराभरा
लाट्या करा गरागरा
पुऱ्या लाटा सरासरा
तळून काढा पटापटा
खाऊन टाका मटामटा
मटकी घ्या भिजत टाका
दुसऱ्या दिवशी उपसून टाका
मटकीला येतील मोडच मोड
उसळ लागेल गोडच गोड
वास सुटेल घम घम
खायला लागेल चम चम
13. आंघोळ
न्हाऊ बाळा न्हाऊ,
आंघोळीला जाऊ!
बशू बाई बशू,
पाटावरती बशू!
बुडू बुडू बुडू,
गोल गोल गडू!
फेस पहा फेस
ओले ओले केस!
घुशू घुशू घुशू
ओले अंग पुशू!
14. माझ्या या ओटीवर
माझ्या या ओटीवर,
कोण कोण येते? (२)
चिमणी येते नि कावळा येतो,
टपटप दाणे टिपून जातो,
टिपून जातो
होला येतो नि पारवा येतो,
हु हु घु घू करून जातो,
करून जातो
मैना येते नि पोपट येतो,
मंजुळ मंजुळ बोलून जातो,
बोलून जातो
मोर येतो नि लांडोर येते,
थुई थुई थुई थुई नाचून जाते,
नाचून जाते
माझ्या या ओटीवर कोण कोण येते?
कोण कोण येते ?
15. गुंडू हत्ती
गुंडू हत्ती, गुंडू हत्ती
खूप करायचा दंगा मस्ती
पाण्यात डुंबायचा,
चिखलात लोळायचा
आकाशात झाली ढगांची गर्दी
गुंडूला झाली भलती सर्दी
शिंक शिंक शिंकला,
खो खो खोकला
आई आली नाक पुसायला,
गुंडू लागला जोरात पळायला
आईने मग ओढले नाक,
त्याची झाली सोंडच लांब
सोंडे खाली लपलय कोण?
सोंडे खाली लपलय तोंड!
16. कोकिळा
आंब्याची राई
कोकिळा बाई
पानात लपून
कुहू कुहु गाई
कोकिळा बाई
बाहेर डोकवा
मंजुळ गाणे
मलाही शिकवा
कोकिळा बाई
शाळेत या ना
कवितेचा तास
तुम्हीच घ्या ना
17. खोबरे
एक होते खोबरे
गाल काळे गोबरे
ताईला ते दिसले
तिने त्याला किसले
त्यात घातली साखर
वेलची अन् केशर
छान केली खिरापत
अशी तिची करामत
18. एक छोटं बी
एक छोटं बी, जातं जमिनीच्या पोटात
काय होत असेल बरं, त्याचं तिथं आत?
बी जातं खोल खोल, थोडं थोडं पाणी,
बाकी सगळा अंधारभूडुक,
पाणी म्हणे गाणी
झाड झोपलं बी मध्ये जागं करा त्याला!
येऊ दे ना बाहेर जरा फार उशीर झाला
बी हसते, हळूच फुटते, अंकुर होतो जागा,
चला चला, आता सारे, कामालाच लागा!
जमीनबाई जमीनबाई वाट द्या ना जरा,
केव्हाचा वर थांबलाय, उजेड आणि वारा
आळ करा, पाणी घाला , लाड करा त्याचे
सरसर रोप वाढेल, झाड होईल मोठे
फुलं येतील, फळं येतील, फळ आपण खाऊ,
नव्या झाडाखाली पुन्हा, बिया मातीत ठेवू (२)
19. चिंकू आणि पिंकू
एक होता चिंकू
एक होता पिंकू
दोघे निघाले फिरायला
नदीतून पोहायला
नदीत दिसला लाल फुगा,
दोघे म्हणाले त्यावर बसा
फुगा चालला तरंगत,
चिंकू पिंकू बसले हसत
वरून पाहिले घारीने
टोच मारली चोचीने
फुगा फुटला फटकन
दोघे पडले धपकन्
पोहत पोहत आले वरती
अशी झाली त्यांची फजिती
20. चल रे घोड्या
चल रे घोड्या, टप टप टप
मावशीच्या गावाला टप टप टप
मावशीच्या घरी फणसपोळी,
काजू, आंबे, गोड़ शहाळी
तूही लाडका मावशीचा
तुला तोबरा काजूचा
चल रे घोड्या, टप टप टप
मावशीच्या गावाला टप टप टप
चल रे घोड्या, टप टप टप
मामाच्या गावाला टप टप टप
मामाच्या घरी गुळ - शेंगा
उसमाळा नि पेरूच्या बागा
तूही लाडका मामाचा
तुला तोबरा शेंगांचा
चल रे घोड्या, टप टप टप
मामाच्या गावाला टप टप टप
चल रे घोड्या, परत परत
आईच्या गावाला उडत उडत
आई आम्हाला भूक भूक
दे ग आई खूप खूप
घोडू लाडका आईचा
तुला तोबरा खाऊचा
चल रे घोड्या, परत परत
आईच्या गावाला उडत उडत (२)
21. गाडी आली
गाडी आली गाडी आली
झुक झुक झुक
शिट्टी कशी वाजे पहा
कुक कुक कुक
इंजिनाचा धूर निघे
भक भक भक
चाके पहा तपासून
ठक ठक ठक
गाडीमध्ये चढा सारे
चट चट चट
सामनही ठेवा सारे
पट पट पट
तिकिटाचे पैसे काढा
छन छन छन
गाडीची घंटा वाजे
घण घण घण
नका पाहू डोकावून
शुक शुक शुक
गाडी आता निघालीच
झुक झुक झुक
23. झेंडा अमुचा
झेंडा अमुचा प्रिय देशाचा
फडकत वरी महान
करितो आम्ही प्रणाम याला
करितो आम्ही प्रणाम
लढले गांधी याच्याकरिता
टिळक, नेहरू लढली जनता
समरधूरंधर वीर खरोखर
अर्पुनि गेले प्राण
करितो आम्ही प्रणाम याला
करितो आम्ही प्रणाम
भारतमाता अमुची माता
आम्ही गातो या जयगीता
हिमालयाच्या उंच शिरावर
फडकत राही निशाण
करितो आम्ही प्रणाम याला
करितो आम्ही प्रणाम
या देशाची पवित्र माती
जूळवी आमुच्या मधली नाती
एक नाद गर्जतो भारता
तुझा आम्हा अभिमान
करितो आम्ही प्रणाम याला
करितो आम्ही प्रणाम
गगनावरी अन् सागरतिरि
सळसळ करिती लाटा लहरी
जय जय भारत, जय जय भारत, गाताती जयगान
करितो आम्ही प्रणाम याला
करितो आम्ही प्रणाम
23. Slippery fish
Slippery fish, slippery fish,
sliding through the water,
Slippery fish, slippery fish,
Gulp, Gulp, Gulp!
Oh, no! It’s been eaten by an …
Octopus, octopus,
squiggling in the water
Octopus, octopus,
Gulp, Gulp, Gulp!
Oh, no! It’s been eaten by a…
Tuna fish, tuna fish,
splashing in the water,
Tuna fish, tuna fish,
Gulp, Gulp, Gulp!
Oh, no! It’s been eaten by a…
Great white shark, great white shark,
lurking in the water,
Great white shark, great white shark,
Gulp, Gulp, Gulp!
Oh, no! It’s been eaten by a…
Humongous whale, humongous whale,
spouting in the water,
Humongous whale, humongous whale,
Gulp! … Gulp! … Gulp! …
24. एक ढग
एक ढग इवला इवला
होता गाढ झोपलेला
सूर्याने उठवले त्याला
इवला ढग जागा झाला
आकाशात खेळायला गेला
खूप खूप दंगा केला
जोराचा मग वारा आला
डोंगरावर ढग आदळला
पाणी आले डोळ्याला
कोणीच नाही खेळायला
मुले म्हणाली पाऊस आला
गाणी लागली म्हणायला
25. एक होता चांदोबा
महाखट्याळ दांडगोबा
चांदण्यांना छळायचा, त्यांच्या मागे पळायचा
चांदण्या मग रागावल्या, आईला नाव सांगायला गेल्या
आईने चंदूला बोलावले, सगळ्यांसमोर रागवले
जवळ काही घेतले नाही, जेवायला काही दिले नाही
चंदू बिचारा सुकत गेला, पंधरा दिवसात बारीक झाला
आईला हे काही पहावेना, जेवायला दिल्याशिवाय राहावेना
आईने चंदूला जवळ घेतले, पोट भरून जेवायला दिले
असा पठ्ठ्या सुखावला, पुन्हा गोल गरगरीत झाला
पुन्हा गोल गरगरीत झाला..
26. झाडांची गंमत
झाडांची गंमत ऐका हं जंमत
मोठ्ठया बोरीच छोटंस पान,
छोट्या केळीच मोठ्ठ पान
मोठ्ठचा बकुळीच छोटस फूल,
छोट्याशा झेंडूचं मोठ्ठ फूल
मोठ्ठया फणसात छोटी बी,
छोट्या पोफळात मोठ्ठी बी
अशी आहे गंमत,
आमच्या बागेत येऊन जा,
गंमत जंमत पाहून जा
27. आंबा-फणस
झाडावरून पडला आंबा ,
टुणकन उडून पेटीत बसला
फणसबुवा खुद्कन हसले,
हळूच जाऊन टोपलीत बसले
आंब्याची पेटी, फणसाची टोपली,
सरकत सरकत बोटीत बसली,
भो भो भो भो वाजला भोंगा,
उभा होता मुंबईचा टांगा
टांगा मोटार झाली टक्कर,
फणसबुवांना आली चक्कर
आंबा गेला गडगडत,
फणस बसला बडबडत
नको रे बुवा मुंबईची हवा,
कोकण आपले बरे बुवा.
28. आम्ही पाखरे
आम्ही पाखरे इकडुन तिकडे । उडू बागडू मौजेने ।
आम्ही बालके छोटी छोटी। खेळ आमुचे नवे नवे
हत्ती होउनि चालू लागू । उंटासमही मान उभारू
भो, भो, भो, भो, मोत्या होऊनि । नक्कल करु या गमतीने
मोर होऊनी नाचू लागू । लपून कोकिळ गाणी गाऊ
काव काव काव काव कावळा होऊनि । नक्कल करु या गमतीने
बैल गाडी ही दौडत नेऊ । मोटारवाला चला बनू
आणि गाडी ही रुळावरुनी या। झुकु झुकु पळवू वेगाने